Walaloo Mata-Duree:- Gaabbii

Gaabbii Duraan qulqulluu turtee waraqaa adii Thank you for reading this post, don't forget to subscribe! Amma erga dabalatte ati maqaa badii Sagal dhiqattus sirratti barreeffame Akkam gaarii hojjottu hamaa keetu odeeffame Situuuuuuuu Dursa hin laanneef hojii keef duruu Atillee hin beektu yokis akka tasaati garuu Sirratti dubatanii sirratti odeessanii Hojii kee guyyaa tokkoon maqaa si xureessanii Kanaan mataan si cabee xinsammuun si dhukkubaa kanatu sitti dhaga’amee yaada kee si hubaa Dogongora al-tokkoo arrabsoon kumaa Harra gaarii gootus kan balleesse sumaa Iti yaadi jechun beektonni illee sagal dubbatuu sammuun kee garuu gaabbii booda malee hin hubatuu Akkasiin maqaan si jijjiiramee gaariin kee dhokataa Kanati miidhagsitee dubbattus didee sirkaa fokkataa Maqaa kee hin eeggannee duraan balleessitee ati Dhugaa karaarraa qabdee soba fakkeessitee ati Dantaa guyyaa tokkoof imaanaa gurgurtee Gabaabsitee yaadde male borii kee yoom abuurte Seenaan akkanaan galmeerra si tufaa Haqni garuu duruu dhara booda dhufaa Dhugaan dubbatee sobni yammuu cabu Gaabbii booda siif galanii sammuu keerraa wal qabu Kaleessa jechuun deebitee guyyaa abaartaa Kaleessammoo sobaan kakataa fooqii ijaartaaa Ati hawaasa keessaa fudhatama dhabdee Sitti fakkaateem olii gad-qabdee Yammuu dubbattu kaleessa akkas hin seenee shira keen kuftee hafte malee gamatti hin ceenee Qulqulluun waraqaa erga qubeessaan faalamee Jechi tokkittiin harka namaan irratti katabamee Ofirraa hin haquu yoo ittuman badee malee Lammaaffaa deebi’ee hin gurguramu dur gabaa keessa hafee Maqaan si badee safuu hawaasaa keessaa baatee Gaafa seenaa dagatteedha kan nama gumaa taatee ati Waadaa kalee galte ofiin deebitee haaltee yeroo ati Xinnaa abaarte akka waan hunda caalte Maarree ati akkasiin gaabbii keessa teessa Maqaa kana ofirraa kaaste akkamiin galma geessa Daa’ima taatee dhalattee osoo ofirraa kaastee ni jaallatta turte garuu dur-maqaa of baastee deddeebi’anii si reebaa harra gaabbiituu Haalluu jijjiirratee sitti gurraacha’e wanti hunduu Bishaan uumamaan yaa’u karaa sitti dhaabbataa Namni si jaallatuyyuu halalaan nagaa si gaafataa Mukti dur firii godhatu gogee si duraa kufaa As deemtus achi deemtus hojii keetu si dura dhufaa kanumaaf Carraakoo jettee abjuu keenillee of arrabsitaa Ofii gabaa keessaa of baastee miira kee cabsitaa Bu’aa hojii kee kaleessaa nyaattakaa tasa hin quuftuu akkas hin seenee yeroo walga’ii keessatti balleessituu kan namni sitti kolfee si ajeeffatuu osooti beekaa taateelle namnuu sin dhaggeeffatuu quba sitti qabuudhaa walitti hasaasanii seenaa kee kaleessaa xinnaaf guddaatti odeessanii qaaniin lafa ilaalta ceephoo ofirraa hin buustuu seenaan seenaadha malee hojiikee hin guustuu dhiphattee akkaa kanaan ofii rakkistaa maqaa kaleessaan atiyyuu of arrabsitaa osoo gaarii gootee gaariidhuma fudhattaa maqaan kee leellifamee gammachuu argattaa

hojiin keetu gufuu taanaan deebitee gufatta seenaa hin dhokatuu ofuma hamina kuufatta dhugaa beekamu bishaan ta’uuf cabbiitu baqaa Namnuu gaarii kee hin odeessuu daandiin sirra goraa tuffiin namaa isumati beektudha irra siif hin darbuu Dogongoraan gooteef namatu si gorseelle namn hin baru namnuu Quba sitti qabee maqaa kee waamaa gaarii hojjeettes namni dogongora jedhee amana Kanaafuu maal gootaree hamaarraa of qusadhuu Haqaan jibbamii mi’aa dhabii busadhuu Dhanga’gaa’ii maqaa gaariin hafii Hamina yaaddu dhiisikaa amma dafii Ofirratti hin barreessinii maqaa hamaaf gadhee Natti tola osoon nama tole naan jedhu argadhee!!!!